Srijeda, 17 kolovoza, 2022

Idete na more u Crnu Goru? Evo koliko vam je novca potrebno za jedan “običan” dan

Autor:Nova.rs

Nemojte propustiti

Osim tri obroka dnevno, nijedan dan ne može da prođe bez sladoleda, jutarnje kafe na plaži i bar jednog piva ili čaše vina uz večeru.

Cijene hrane, pića, “plažnih setova”, smještaja i dnevnog parkinga, na crnogorskom primorju ovog ljeta skuplje su u odnosu na prošlu godinu, ali poskupljenja ne čude, jer su ove godine aktuelna u zemljama čitavog regiona.

Kako navode mediji, odmor vas dnevno u prosjeku košta oko 70 eura po osobi. Ako je u pitanju četvoročlana porodica, onda su dnevni troškovi veći.

“Doručkujemo u pekari ili kupimo u prodavnici salamu, sir, pavlaku, jaja, hljeb pa sami napravimo obrok. Iskreno, jeftiniji su pekarski proizvodi nego kad nakupujemo namirnice u radnji, jer je sve preskupo. Ručamo najčešće u nekom restoranu, ali ništa skupocjeno, pastu sa morskim plodovima ili lignje, ponekad riblju čorbu i salatu, kako kad. Uveče odemo na picu ili opet nešto napravimo u apartmanu“, priča za Nova.rs Jelena Božulović, iz Kraljeva, koja je sa suprugom i dvoje male djece na odmoru u Petrovcu.

Osim tri obroka dnevno, nijedan dan ne može da prođe bez sladoleda, jutarnje kafe na plaži i bar jednog piva ili čaše vina uz večeru.

“Najviše novca ode na te ‘sitne’ prohtjeve. Klinci kupuju sladoled na plaži bar jednom dnevno, suprug i ja popijemo kafu. Dva puta smo autom išli na druge, udaljenije plaže, pa smo platili i parking, a dnevno potrošimo 10 do 15 eura, zavisi gdje se kupamo, na ležaljke i suncobran“, kaže Jelena, i dodaje da ih je smještaj za 10 dana koštao oko 700 eura, apartman za četvoro.

U kafićima na primorju cijene zavise od lokacije. Ako ste blizu mora, u jednom od popularnijih ljetovališta poput Pržna, Porto Montenegra, Luštica ili ste otišli u Porto Novi, onda su i cijene “jače” za bar jedan euro. Kafa u blizini Slovenske plaže u Budvi je recimo oko 1,5 euro, dok je na nešto izolovanijim plažama, gdje nema konkurencije, oko 2,5 eura.

Isto važi i za ležaljke, koje ćete platiti 10 do 15 eura ako ste u trećem ili četvrtom redu na punoj plaži, ali ako ste u prvom redu, a oko vas je mir i tišina, onda se spremite da platite 20 do 40 eura.

“Dan na odmoru je trošak. Hvatamo se za novčanik 20 puta dnevno. Plati doručak, ručak, večeru, sladoled, piće, pedaline, ležaljke, parking, igrice za djecu na šetalištu, čašu piva ili vina poslije večere, a to je sve minimalni užitak, koji čovjek sebi može da priušti, pa opet treba mnogo novca. Važno je da kalkulišete i za svaki dan odvojite maksimum koliko smije da se potroši, u suprotnom ćete u prva tri dana potrošiti sav novac, a smještaj ste recimo platili za sedam ili 10 dana. Pare idu kao lude, čak i toalet na plaži naplaćuju 50 do 70 centi“, kaže Nemanja Nocić iz Beograda, koji je sa suprugom i sinom na odmoru, piše Nova.rs.

Prosječne cijene dnevnog boravka na crnogorskom primorju:

Doručak – 2 eura (minimum po osobi: parče pice, pekarski proizvodi…)

Ručak – 15 eura – glavno jelo plus jedno piće (minimum po osobi, ako je obrok u restoranu)

Večera – 10 do 15 eura – glavno jelo plus piće (minimum po osobi, ako je obrok u restoranu)

Kafa – od 1,50 do 3,5 eura

Gazirana voda – 2,5 eura

Negazirana voda – 3 eura

Pivo – 3 do 5 eura

Vino (čaša) – 5 eura

Rakija – 2,5 do 3 eura

Sladoled – kugla 1,5 eura

Sokovi – 3,5 eura

Smještaj:

Soba – 15 eura (minimum po osobi)

Apartmani – 50 do 100 eura (za više osoba)

Plaža:

Dvije ležaljke i suncobran – 10 do 20 eura

Parking – od 5 (dnevna na plažama) do 1,5 eura po satu u centru gradova na obali

Prosjek troškova – oko 70 eura na dan po osobi.

Interesantno za vas

Izdvajamo

Joe Biden potpisao važan zakonski paket o klimi i zdravstvu

"Riječ je o budućnosti. Riječ je o tome da se osigura blagostanje i napredak američkih obitelji", rekao je. "Riječ...

Možda vas zanima i ovo